Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Kristeligt Dagblad, ((af) Christelike Dagblad) is ’n Deense nasionale koerant wat in Kopenhagen gebaseer is en wat as ’n gehaltekoerant beskou word.
Dit het ’n omset van omtrent 26 000 kopieë gedurende weeksdae van Maandae tot Saterdae (Vrydag is daar ’n ekstra buffergetal van 45 000). Die koerant word hoofsaaklik deur inskrywings verkoop en die enkelverkope bly maar skraal. Die koerant word daagliks deur omtrent 120 000 mense gelees. Die sirkulasie is baie laer as dié van die grootste drie Deense koerante, by name Jyllands-Posten, Politiken en Berlingske Tidende.
Die koerant is op 1 Oktober 1896 gestig deur die inisiatief van Indre Mission, wat die koerant vanaf 1897 – 1936 bestuur het. [1] Die redakteur sedert 1994 is Erik Bjerager en die mederedakteur sedert 2003 is Michael Ehrenreich. Die inhoud handel meestal oor geloof, etiek en die bestaan van die mens.
In 1995 is die koerant bankrot verklaar na vyf jaar van ’n voortslepende een miljoen tekort. ’n Poging is aangewend om ’n ekonomiese herstel te bewerkstellig deur ’n vermeerdering van kapitaal in die aandelemark – wat bo alle verwagtinge daarin geslaag het. Die koerant is toe in die besit van die Kristeligt Dagblads Fonds (25%), Berlingske Media (22%), Chr. Augustinus' Fabrikker (5,5%) en 3 000 kleiner aandeelhouers. Daarby het die finansiële instelling van die Dagblad in 1995’n verdere finansiële inspuiting van 2 miljoen toegedien, sowel as ’n verdere 13 miljoen oor die opeenvolgende 3 jaar daarna. Die reddingspoging was suksesvol. ’n Intensiewe bemarkingstrategie en ’n revaluering van sy werkwyse en etiek, het daartoe bygedra dat Kristeligt Dagblad in die tydperk van 2001-2006 Denemarke se vinnigste groeiende kommersiële koerant geword het. [2]
In die tweede helfte van 2007 het bogenoemde tendens egter ’n omkering beleef toe die lesertalle met 17% teenoor dieselfde tydperk die vorige jaar gedaal het. Ten spyte hiervan het die koerant tog deur ’n toename in advertensie-inkomste ’n wins gemaak. [3]
Laat in 2008 en vroeg in 2009 was die koerant weer op dreef. Die sirkulasie en lesertal het weer toegeneem en die koerant is weer een van die vinnigste groeiende koerante in Denemarke.
In Junie 2008 het Berlingske Media sy aandele aan die twee ander aandeelhouers verkoop, sodat die Kristeligt Dagblad Fonds byna 32% besit, terwyl Chr. Augustinus' Fabrikker ’n aandeel van 18,5% het. [4]
Kristeligt Dagblad belê grootliks in sy aanlyn-koerant, waarin sowel sy gereelde aktuele nuus as sy kerknuus. Hul Internetwerksaamhede sluit onder meer ’n erediensoorsig in, ’n preeklys (www.kirku.dk), bogbasen.dk waar gebruikte boeke koop en verkoop word en mindet.dk. Daarby is hul ook die eienaar van die koerante Religion.dk en Kristendom.dk wat godsdienstige vaklektuur en Christelike inhoud bevat.
© MMXXIII Rich X Search. We shall prevail. All rights reserved. Rich X Search